Раздзелы сайта

Галоўная
Адміністратар сайта © copyright
Статыстыка наведванняў Яндекс.Метрика Iндэкс цытавання індэкс цытавання

Рэспубліка Беларусь

Рэспубліка Беларусь размешчана ў цэнтры Еўропы. Па яе тэрыторыі пралягаюць самыя кароткія транспартныя камунікацыі, якія звязваюць краіны СНД з дзяржавамі Заходняй Еўропы. Беларусь мае агульную мяжу з Польшчай, Літвой, Латвіяй, Расеяй і Украінай.

Беларусь у лічбах

  • 207,6

    207,6 тыс. кв.км – плошча тэрыторыі Рэспублікі Беларусь (краіна займае па гэтым паказчыку 84 месца ў свеце і 13 месца сярод еўрапейскіх дзяржаў).

  • 3 617

    3 617 км, згодна з данымі Дзяржпагранкамітэта, складае працягласць Дзяржаўнай граніцы. У тым ліку: з Расійскай Федэрацыяй - 1283 км, з Еўрасаюзам - 1250 км, з Украінай - 1084 км, з Рэспублікай Польшча - 398 км, з Літоўскай Рэспублікай - 679 км, з Латвійскай Рэспублікай - 173 км.

  • 560

    560 км - працягласць Рэспублікі Беларусь з поўначы на поўдзень.

  • 650

    650 км - працягласць Рэспублікі Беларусь з захаду на ўсход.

  • 55 10′55″ п.ш. 28 15′30″ у.д.

    У Віцебскай вобласці Беларусі знаходзіцца геаграфічны цэнтр Еўропы (48 км на паўднёвы захад ад Полацка, недалёка ад возера Шо). Яго каардынаты 55°10′55″ п.ш. 28°15′30″ у.д.

  • 160

    160 м - сярэдняя вышыня Рэспублікі Беларусь над узроўнем мора, найвышэйшая кропка - гара Дзяржынская, размешчаная ў Дзяржынскім раёне Мінскай вобласці, яе абсалютная вышыня - 345 м.

  • 83,5

    83,5 тыс. кв.км займаюць у Беларусі лясы. Гэта 40,2% ад агульнай плошчы краіны.

  • 20,8

    20,8 тыс. рэк працякаюць па тэрыторыі Рэспублікі Беларусь, іх агульная працягласць у межах краіны - 90,6 тыс. км.

  • 79,6 

    79,6 кв.км - плошча самага вялікага ў Рэспубліцы Беларусь возера Нарач.

  • 1 354

    У Беларусі функцыянуюць 1 354 асабліва ахоўныя прыродныя тэрыторыі агульнай плошчай 1,90 млн га (на 1 студзеня 2024 г.), што складае 9,1% ад плошчы краіны. З іх:

    • 1 запаведнік (Бярэзінскі біясферны запаведнік);
    • 4 нацыянальныя паркі ("Белавежская пушча"; "Прыпяцкі", "Браслаўскія азёры", "Нарачанскі");
    • 376 заказнікаў.

    Найбольш вядомая запаведная тэрыторыя краіны - Белавежская пушча, буйнейшы астатак рэліктавага першабытнага лесу Еўропы. Тут растуць 958 відаў раслін, пражываюць 59 відаў млекакормячых, 227 відаў птушак і 24 віды рыб.

    Беларусь з’яўляецца адным з сусветных лідараў па аднаўленні балот: прыродзе вернута больш за 50 тыс. га неэфектыўна асушаных балот.

  • 5,7

    Больш як 5,7 тыс. гісторыка-культурных каштоўнасцей знаходзяцца пад аховай дзяржавы, 4 аб’екты ўключаны ў спіс сусветнай спадчыны ЮНЕСКА: Белавежская пушча, замкавы комплекс "Мір",  Геадэзічная дуга Струвэ, архітэктурна-культурны комплекс рэзідэнцыі Радзівілаў у г.Нясвіжы.

  • 203

    203 віды жывёл уключаны ў Чырвоную кнігу Беларусі і знаходзяцца пад аховай дзяржавы, у тым ліку 21 від млекакормячых, 70 відаў птушак, 2 віды земнаводных, 10 відаў рыб, 2 віды паўзуноў, 87 відаў насякомых, 11 - іншыя віды.

  • 60

    60 л у секунду - аб’ём выкідваемай вады (дэбет) крыніцы  "Блакітная крыніца" ў Слаўгарадскім раёне Магілёўскай вобласці. Гэта самы магутны паток узыходзячага тыпу на Усходне-Еўрапейскай раўніне. Глыбіня прыроднага калодзежа - больш як 150 м.

    • 9 155 978

      9 155 978 чалавек склала насельніцтва Рэспублікі Беларусь на 1 студзеня 2024 года - 0,1% агульнай колькасці насельніцтва планеты.

    • 4 152,2

      Паводле ацэнкі, у 2023 годзе 4 152,2 тыс. чалавек занята ў эканоміцы краіны.

    • 122

      У Беларусі больш як 122 тыс. шматдзетных сем’яў (выхоўваюць траіх і больш дзяцей).

    • 2 872

      2 872 установы агульнай сярэдняй адукацыі дзейнічала на пачатак 2023/24 навучальнага года ў Рэспубліцы Беларусь.

    • 49

      На пачатак 2023/24 навучальнага года ў Рэспубліцы Беларусь функцыянавала 49 устаноў вышэйшай адукацыі (УВА).


Эканоміка

  Рэспубліка Беларусь - экспартна арыентаваная дзяржава з развітой прамысловасцю, сектарам паслуг і сельскай гаспадаркай. Беларусь прытрымліваецца мадэлі сацыяльна арыентаванай рыначнай эканомікі, якая даказала сваю жыццяздольнасць і эфектыўнасць.
  Паводле папярэдняй ацэнкі ў цэлым за 2010-2022 гады ВУП краіны павялічыўся ў супастаўных цэнах на 15,6% пры росце прадукцыйнасці працы за названы перыяд на 28,1%.
Валавы ўнутраны прадукт на душу насельніцтва па парытэце пакупной здольнасці вырас з 15,4 тыс. міжнародных долараў у 2010 годзе да 22,5 тыс. міжнародных долараў у 2022 годзе (папярэднія даныя).

Турызм

  Беларусь - краіна са старажытнай гісторыяй і багатымі традыцыямі, маляўнічай прыродай і цудоўнай архітэктурай, прамысловымі гігантамі і развітой сельскай гаспадаркай, самабытнай кухняй і гасціннымі людзьмі.  І з кожным годам яна становіцца ўсё больш прывабнай для турыстаў.

  Беларусь знаходзіцца ў цэнтры Еўропы на перакрыжаванні многіх міжнародных маршрутаў. Плошча нашай краіны - 207,6 тыс. кв.км. Галоўнае, чым славяцца беларусы, - гэта гасціннасць і ветлівасць. Мы шырока адкрываем дзверы для турыстаў. У краіне паспяхова дзейнічае бязвізавы рэжым.

 Для максімальнага спрашчэння працэдуры ўезду і знаходжання ў Рэспубліцы Беларусь для турыстаў з 80 краін, якія прыбываюць у краіну праз Нацыянальны аэрапорт Мінск, уведзены бязвізавы рэжым.

  Гэта рашэнне было прынята Кіраўніком дзяржавы, яно рэгламентавана Указам Прэзідэнта Рэспублікі Беларусь ад 9 студзеня 2017 года № 8 "Аб устанаўленні бязвізавага парадку ўезду і выезду замежных грамадзян". На момант прыняцця дакумента турысты, не афармляючы візу, маглі знаходзіцца ў нашай краіне да 5 дзён. 

  Такі падыход даказаў сваю эфектыўнасць, і ў сувязі з гэтым рашэннем Прэзідэнта з 27 ліпеня 2018 года тэрмін знаходжання замежных грамадзян, якія наведваюць Рэспубліку Беларусь праз Нацыянальны аэрапорт Мінск, павялічаны да 30 дзён. У пераліку дзяржаў, адносна якіх устанаўліваецца бязвізавы парадак уезду і выезду, пасля ўнясення змяненняў ва ўказ, знаходзяцца  74 краіны.

  Дзве асобныя бязвізавыя тэрыторыі існавалі ў Брэсцкай і Гродзенскай абласцях - турысцка-рэкрэацыйная зона "Брэст" і парк "Аўгустоўскі канал".

  З 10 лістапада 2019 года яны аб’яднаны ў адну: "Брэст - Гродна". Гэта стала магчымым дзякуючы прыняццю Указа Прэзідэнта Рэспублікі Беларусь ад 7 жніўня 2019 года № 300 "Аб устанаўленні бязвізавага парадку ўезду і выезду замежных грамадзян".

  У рэгіёне тэрмін бязвізавага знаходжання ў турыстычных мэтах складае да 15 сутак для грамадзян 73 дзяржаў. Гэта норма дзейнічае як для індывідуальных турыстаў, так і арганізаваных груп.

  Таксама без віз замежныя грамадзяне цяпер могуць перамяшчацца па ўсёй тэрыторыі Брэсцкай і Гродзенскай абласцей пры ўмове перамяшчэння ў складзе арганізаваных турыстычных груп з 5 чалавек і больш.