Дзень Перамогі — гэта вялікае свята, вельмі важна захоўваць памяць пра подзвігі нашага народа, аб людзях, якія падарылі нам мір цаной уласнага жыцця.
Напярэдадні 9 мая ў нашай установе дашкольнай адукацыі прайшлі мерапрыемствы, прысвечаныя Дню Перамогі:
- тэматычныя заняткі, на якіх выхаванцы папоўнілі свае веды аб Вялікай Айчыннай вайне, аб Свяце 9 мая, аб ваенных прафесіях;
- экскурсія да помніка "Ніхто не забыты" з ускладаннем кветак да магілы, дзе аддалі даніну павагі ўсім салдатам, якія не вярнуліся з вайны, усім, хто загінуў у баях і не дажыў да сённяшняга дня;
- маляванне "Святочны салют" (малодшая група);
- чытанне з выхаванцамі апавядання Л. Касіля “Твае абаронцы”;
- разглядванне фотаздымкаў "Памятныя месцы нашай краіны: Брэсцкая крэпасць, Хатынь, Курган Славы, плошча Перамогі", што спрыяла фарміраванню ў дзяцей уяўленняў пра подзвіг беларускага народа ў гады Вялікай Айчыннай вайны;
- афармленне вокнаў да свята.
Дзеці старэйшай групы з педагогам аформілі выставу да Дня Перамогі,
дзе можна паглядзець ілюстрацыі баявых бітваў, ваенную тэхніку.
Вялікую цікавасць выклікала ў дзяцей старэйшай групы пазнавальная гутарка “Голуб міру”, так як галубы таксама былі ўдзельнікамі Вялікай Айчыннай вайны, яны здзяйснялі ваенныя подзвігі імкнучыся да стварэння міру на зямлі. Галубы пераносілі ваенныя пасланні з аднаго баявога месца ў іншае. Дзеці даведаліся, што голуб міру азначае любоў, чысціню і надзею. Белы голуб стаў сімвалам міру нездарма. Ён быў прысвечаны заканчэнню Другой сусветнай вайны: ніхто не хацеў, каб такая вялікая трагедыя паўтарылася зноў. Хлопчыкі і дзяўчынкі з вялікай цікавасцю слухалі, задавалі пытанні, а пасля з асаблівым задавальненнем майстравалі свой сімвал міру, які стане абавязковым падарункам членам іх сям’і ў Дзень Перамогі.