Міжнародны жаночы дзень 8 Сакавіка - гэта цудоўнае свята, якое напаўняе свет добрымі ўсмешкамі, шчырымі прызнаннямі ў каханні нашым мамам, бабулям, сёстрам. Няма нічога лепш на гэтым свеце ласкавага дотыку матчыных рук, іх мудрага добрага слова. Яны ствараюць ўтульнасць у доме, напаўняюць жыццё сваіх родных і блізкіх любоўю, нясуць прыгажосць і пяшчоту, саграваюць душэўным цяплом, дзеляцца сваім пазітывам і натхняюць на перамогі.

Мерапрыемства, прысвечанае гэтаму першаму вясноваму святу ў нашым дзіцячым садзе у малодшай групе прайшло ва ўрачыстай і радаснай атмасферы.

Маленькія дзеткі з вялікім задавальненнем удзельнічалі ў такім цудоўным свяце: яны вельмі кранальна і міла чыталі вершы пра маму і бабулю, вельмі шчыра, непасрэдна і з любоўю спявалі песні, з задавальненнем удзельнічалі ў гульнях разам з матулямі, весела танцавалі  танцы.

Малышы падарылі каханым матулям падарункі, зробленыя сваімі рукамі. Свята даставіла ўсім шмат радасці і прыемных уражанняў.