На працягу летняга сезону дзеці штодня назіралі і даглядалі за кветкамі ў кветніку. Яны радавалі нас сваёй прыгажосцю. І вось наступіла пара збіраць насенне на наступны год.

Сёння дзень выдаўся досыць цёплы. З вялікай цікавасцю дзеці з выхавальнікам папрацавалі на ўчастку, збіраючы насенне кветак, каб пасеяць іх у наступным годзе. Мы сабралі насенне аксамітак, цыній. На наступны год у нас абавязкова захаваецца гэтае насенне прыгожых кветак! І мы іх з дзецьмі абавязкова пасадзім!

Праца ў прыродзе дапамагае прывіваць дзецям працоўныя навыкі, стварае радасны настрой ад выкананай працы, выхоўвае экалагічную культуру, вучыць беражліва ставіцца да прыроды.