26 верасня 2024 года ў Беларусі праходзіць Адзіны дзень бяспекі, у задачы якога ўваходзіць прафілактыка надзвычайных сітуацый, навучанне паводзінам ва ўмовах пажараў і іншых надзвычайных сітуацый.

У рамках Адзінага дня бяспекі ў нашай установе дашкольнай адукацыі прайшлі мэтанакіраваныя прафілактычныя мера-прыемствы па фарміраванні культуры бяспечнай жыццядзейнасці.

Педагогі расказалі дзецям, да чаго можа прывесці свавольства з агнём, нагадалі аб правілах пажарнай бяспекі, замацавалі правілы ў дыдактычных гульнях.

З супрацоўнікамі дзіцячага саду праведзена навучанне правілам паводзін, парадку дзеянняў і асноўным спосабам абароны ад надзвычайных сітуацый, аказання першай медыцынскай дапамогі.

Таксама з выхаванцамі і супрацоўнікамі ўстановы дашкольнай адукацыі на практыцы адпрацаваны дзеянні пры эвакуацыі з будынка ўстановы адукацыі на выпадак пажару.