21 лістапада ў малодшай групе нашага дзіцячага садка ў рамках "Адзінага дня бяспекі дарожнага руху" прайшлі прафілактычныя заняткі, накіраваныя на павышэнне дарожнай граматнасці выхаванцаў, навучанне іх правілам бяспечных паводзін на дарозе.

У госці да дзяцей прыйшоў "Святлафор", які расказаў дзецям аб сваёй важнасці на дарозе, а таксама пазнаёміць са сваімі сігналамі і іх работай.

Дзеці разглядалі малюнкі з рознымі дарожнымі сітуацыямі, пазнаёміліся з дарожнымі знакамі, а таксама з задавальненнем пагулялі ў дыдактычныя гульні "Збяры карцінку", "Дарожныя знакі". 

Атрыманыя веды выхаванцы адлюстравалі ў сваіх малюнках.