7 сакавіка ў малодшай групе прайшоў ранішнік, прысвечаны Міжнароднаму жаночаму дню 8 сакавіка.

Дзеці з радасцю чакалі гэтай падзеі! Падрыхтоўка пачалася задоўга да наступлення свята. Выхавальнікі з музычным кіраўніком развучвалі з дзецьмі вершы, песні і танцы, праводзілі гутаркі.

На свята да дзяцей у госці прыйшоў вясёлы клоун, які падарыў усім радасны настрой, весялосць і запал. Дзеці выконвалі кранальныя і душэўныя песні для мам і бабуль, гулялі з цудоўным Куфэркам.

Сваімі выступленнямі дзеці падарылі мамам шмат добрых слоў, пяшчоты і ўвагі. Нечаканым момантам былі падарункі, зробленыя рукамі дзяцей.

Свята прайшло ў цёплай душэўнай атмасферы.