Зімовая прагулка з'яўляецца найважнейшым сродкам загартоўвання для дзіцяці. Свежае марознае паветра умацоўвае імунітэт. На прагулцы ў зімовы час дзеці актыўныя, здзяйсняюць разнастайныя рухі, працуюць, гуляюць у рухомыя гульні і ніколі не стаяць на месцы.

Зіма - гэта час бадзёрасці, радасці і здароўя. Калі, як не зімой, можна зляпіць снегавіка, пагуляць у снежкі з сябрамі або дапамагчы расчысціць ад снегу ўчастак.

У ДУА "Дзіцячы сад аг.Чудзін" нашы дзеці, вельмі любяць працаваць. Яны з азартам пераносяць снег у кучы, расчышчаюць дарожкі або перакладаюць снег з аднаго месца ў іншае, венічкам падмятаюць лавачкі.

Гэта дастаўляе дзецям велізарную радасць, тым самым мы прывучаем дзяцей працаваць у калектыве.