12 красавіка – Дзень касманаўтыкі, сусветнае свята, усталяванае ў гонар першага палёту чалавека ў космас - грамадзяніна нашай краіны. Гэтая тэма таксама прыцягальная для дзяцей, як і дарослых, бо космас – гэта прыгажосць, гэта таямнічасць, новыя веды і прастор для фантазіі.

  Гэта дзень, калі чалавецтва ўступіла ў новую, касмічную эру. Здаўна чалавек глядзеў на зорнае неба, і яму хацелася даведацца, што ж гэта за зоркі, чаму яны такія яркія. Навукоўцы прыдумалі спецыяльныя прыборы- тэлескопы і, назіраючы за зорным небам, даведаліся, што акрамя Зямлі ёсць і іншыя планеты.

 Штогод у нашай установе адукацыі праходзіць Тэматычны дзень, прысвечаны Дню касманаўтыкі.

  У гэты дзень  для дзяцей прайшлі пазнавальныя заняткі, мэтай якіх было азнаямленне і пашырэнне уяўленняў дзяцей аб космасе. Дзеці з вялікай цікавасцю слухалі апавяданні аб планетах і зорках, аб касмічных караблях, спадарожніках, аб першых сабаках, якім давялося да чалавека пабываць у космасе, аб Першым чалавеку, які адправіўся пакараць касмічную прастору - Юрыі Гагарыне, пра беларускіх касманаўтаў Алега Навіцкага, Уладзіміра Каваленкі, Пятра Клімука.

 Для пашырэння кругагляду ў групах былі выкарыстаныя ілюстрацыі  планет, касманаўтаў, спадарожнікаў, сузор'яў. 

 Даведаўшыся шмат цікавага пра сусвет, дзеці адлюстроўвалі свае ўражанні ў мастацка-прадуктыўнай дзейнасці.

  Раскрыццё сутнасці такой падзеі спрыяе развіццю патрыятычных пачуццяў дашкольнікаў, дазваляе дзецям усвядоміць асабістую датычнасць да жыцця Радзімы. Даведаўшыся пра адкрыцці ў галіне гэтай навукі, дзеці пранікаюцца пачуццём гонару і павагі да сваёй краіны, яе культуры, да суайчыннікаў, якія ўпарта імкнуцца да мэты, з невычэрпнай моцай пазнання і гарачай любоўю да Радзімы...

  Мы ўпэўненыя, што падобныя мерапрыемствы спрыяюць выхаванню дапытлівых і творчых асоб!