З 4 красавіка па 8 красавіка ў нашым дзіцячым садзе праходзіў “Тыдзень спорту і здароў’я”.
На працягу ўсяго тыдня дзяцей чакала шмат цікавага. У групах былі праведзены мерапрыемствы, накіраваныя на ўмацаванне здароў’я дзяцей, развіццё рухальнай культуры, далучэнне дзяцей і бацькоў да здаровага ладу жыцця, выхаванне ў дзецях сілы волі, уменні пераадольваць перашкоды, уменні перамагаць і прайграваць, жадання аказваць дапамогу, замацаванне ў дзяцей паняцця “здароў’е”.
Кожная раніца ў дзіцячым садзе пачыналася з рытмічнай ранішняй гімнастыкі пад дзіцячыя вясёлыя песенькі.
На працягу тыдня з дзецьмі праводзіліся наступныя мерапрыемствы:
* Тэматычныя заняткі: “Вітаміны-абаронцы арганізма”, “Віды спорту і вядомыя спартсмены Беларусі”, “Выконваем рэжым дня”;
* Пазнавальныя гутаркі: “Мы сябруем з фізкультурай”, “Калі хочаш быць здаровы - гартуйся!”, “Дзе жывуць вітаміны”, “Садавіна карысная дарослым і дзецям”, “Цела чалавека”, “Правільнае харчаванне”, “Чаму трэба чысціць зубы і мыць рукі?”;
* Разнастайныя дыдактычныя гульні: “Што карысна, а што шкодна для здароўя”, “Карысная і шкодная ежа”, “Адгадай від спорту”, “Апрані ляльку для прагулкі”, настольныя гульні: “Лато”, “Збяры карцінку” і г. д.
* Сюжэтна-ролевая гульня “Бальніца”;
* Рухомыя гульні: “Мой вясёлы звонкі мяч”, “Ядомае - не ядомае”, “Птушкі ў гнёздах”, “Мышы водзяць карагод”, “Кот і птушкі”, “Аўтамабілі”;
* Чытанне і развучванне твораў мастацкай літаратуры аб спорце і здаровым ладзе жыцця: А. Барто “Девочка чумазая”, С. Маякоўскі “Што такое добра і што такое дрэнна?”, Ю. Кісліцына “Як Ваня стаў чыстым?”, Ю. Тувіма “Гародніна”;
* Прагляд прэзентацыі “Віды спорту”;
* Прагляд мультфільмаў: “Фядорына гора”, “Мыйдадзір” К. Чукоўскага.
* Выстава малюнкаў "Віды спорту”;
* Спартыўна - забаўляльнае мерапрыемства "Мы за ЗЛЖ".
На працягу “Тыдня спорта і здароў’я” абнавілася інфармацыя памятак і кансультацый для бацькоў па пытаннях арганізацыі клопату пра сваё здароўе і сваіх дзяцей.
Тыдзень спорту і здароўя прайшоў насычана і цікава. Дзецям надоўга запомняцца яркія мерапрыемствы.