Пасля сустрэчы Новага года, наступіў вясёлы час святочных калядак. У гэтыя дні ходзяць адзін да аднаго ў госці віншуюць з Калядамі і спяваюць калядныя песні.

   Вось і мы разам з нашымі дзецьмі не засталіся абыякавымі. З мэтай знаёмства дзяцей з народнымі традыцыямі і культурай мы выступілі ў ролі калядоўшчыкаў. Мы наведалі Чудзінскі сельскі дом культуры, Чудзінскую сярэднюю школу,  Чудзінскі сельскі выканкам, магазін, каб павіншаваць усіх са святам.  Дзеці распавядалі вершы і спявалі калядкі, жадаючы  здароўя і дабрабыту, за што атрымалі салодкі пачастунак.

    Мы разам з дзецьмі з задавальненем  акунуліся ў атмасферу свята і весялосці.

    Велізарную радасць адчуваеш бачачы шчаслівыя твары дзяцей, разумеючы што свята атрымаўся!