У нашай дашкольнай установе адукацыі прайшлі мерапрыемствы, прысвечаныя Дню Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь.

  На ўрачыстым мерапрыемстве дзеці і дарослыя выканалі гімн Рэспублікі Беларусь. Дзеці чыталі вершы пра Радзіму, адгадвалі загадкі аб прыродных сімвалах нашай краіны, удзельнічалі ў віктарыне "Знаўцы роднага краю".

 У групах праведзены гутаркі "Адзін сцяг - адна Беларусь», "Дзяржаўныя сімвалы Рэспублікі Беларусь".

   У старэйшай групе прайшоў занятак на тэму "Дзяржаўныя сімвалы маёй краіны". Выхаванцы ўспомнілі, што азначаюць асноўныя элементы Дзяржаўнага герба, удакладнілі дзе і калі выкарыстоўваюцца дзяржаўныя сімвалы. Дзеці навучыліся адрозніваць і знаходзіць сцяг Рэспублікі Беларусь сярод мноства іншых сцягоў, атрымалі і замацавалі ўяўленні аб прызначэнні дзяржаўных сімвалаў, даведаліся аб сімвалічным значэнні кветак сцяга нашай Радзімы.

   З вялікай цікавасцю дзеці разглядалі і малявалі «Дзяржаўны сцяг РБ».

  Заключным мерапрыемствам да свята стаў велапрабег да Кургану памяці, які размешчаны ў лесе. У велапрабегу разам з дзецьмі і педагогамі прынялі ўдзел бацькі.